جانے کس چاہ کے کس پیار کے گن گاتے ہو

جانے کس چاہ کے کس پیار کے گن گاتے ہو

رات دن کون سے دل دار کے گن گاتے ہو

یہ تو دیکھو کہ تمہیں لوٹ لیا ہے اس نے

اک تبسم پہ خریدار کے گن گاتے ہو

اپنی تنہائی پہ نازاں ہو مرے سادہ مزاج

اپنے سونے در و دیوار کے گن گاتے ہو

اپنے ہی ذہن کی تخلیق پہ اتنے سرشار

اپنے افسانوی کردار کے گن گاتے ہو

اور لوگوں کے بھی گھر ہوتے ہیں گھر والے بھی

صرف اپنے در و دیوار کے گن گاتے ہو

jane kis chah ke kis pyar ke gin gate ho

rat din kaun se dil dar ke gin gate ho

ye to dekho ke tumhen laut liya hai us ne

ik tabassum pe kharidar ke gin gate ho

apni tanhai pe nazan ho mire sada mizaj

apne sone dar-o-diwar ke gin gate ho

apne hi zehn ki takhliq pe itne sarshar

apne afsanwi kirdar ke gin gate ho

aur logon ke bhi ghar hote hain ghar wale bhi

sirf apne dar-o-diwar ke gin gate ho