نہ گمان موت کا ہے نہ خیال زندگی کا

نہ گمان موت کا ہے نہ خیال زندگی کا

سو یہ حال ان دنوں ہے مرے دل کی بے کسی کا

میں شکستہ بام و در میں جسے جا کے ڈھونڈتا تھا

کوئی یاد تھی کسی کی کوئی نام تھا کسی کا

میں ہواؤں سے ہراساں وہ گھٹن سے دل گرفتہ

میں چراغ تیرگی کا وہ گلاب روشنی کا

ابھی ریل کے سفر میں ہیں بہت نہال دونوں

کہیں روگ بن نہ جائے یہی ساتھ دو گھڑی کا

کوئی شہر آ رہا ہے تو یہ خوف آ رہا ہے

کوئی جانے کب اتر لے کہ بھروسہ کیا کسی کا

کوئی مختلف نہیں ہے یہ دھواں یہ رائیگانی

کہ جو حال شہر کا ہے وہی اپنی شاعری کا

na guman maut ka hai na khayal zindagi ka

so ye hal in dinon hai mire dil ki be kisi ka

main shikasta bam-o-dar mein jise ja ke dhundta tha

koi yad thi kisi ki koi nam tha kisi ka

main hawaon se hirasan wo ghutan se dil girafta

main charagh tirgi ka wo gulab raushni ka

abhi rel ke safar mein hain bahut nihal donon

kahin rog ban na jae yahi sath do ghari ka

koi shahr a raha hai to ye khauf a raha hai

koi jane kab utar le ke bharosa kya kisi ka

koi mukhtalif nahin hai ye dhuan ye raigani

ke jo hal shahr ka hai wahi apni shayari ka