مجھے وہ کنج تنہائی سے آخر کب نکالے گا

مجھے وہ کنج تنہائی سے آخر کب نکالے گا

اکیلے پن کا یہ احساس مجھ کو مار ڈالے گا

کسی کو کیا پڑی ہے میری خاطر خود کو زحمت دے

پریشاں ہیں سبھی کیسے کوئی مجھ کو سنبھالے گا

ابھی تاریخ نامی ایک جادوگر کو آنا ہے

جو زندہ شہر اور اجسام کو پتھر میں ڈھالے گا

بس اگلے موڑ پر منزل تری آنے ہی والی ہے

مرے اے ہم سفر تو کتنا میرا دکھ بٹا لے گا

شریک رنج کیا کرنا اسے تکلیف کیا دینی

کہ جتنی دیر بیٹھے گا وہی باتیں نکالے گا

رہا کر دے قفس کی قید سے گھایل پرندے کو

کسی کے درد کو اس دل میں کتنے سال پالے گا

mujhe wo kunj-e-tanhai se akhir kab nikalega

akele pan ka ye ehsas mujh ko mar dalega

kisi ko kya pari hai meri khatir khud ko zahmat de

pareshan hain sabhi kaise koi mujh ko sambhalega

abhi tarikh nami ek jadugar ko ana hai

jo zinda shahr aur ajsam ko patthar mein dhalega

bas agle mor par manzil tiri ane hi wali hai

mire ai ham safar to kitna mera dukh bata lega

sharik-e-ranj kya karna use taklif kya deni

ke jitni der baithega wahi baten nikalega

raha kar de qafas ki qaid se ghayal parinde ko

kisi ke dard ko is dil mein kitne sal palega