کسی کو ہم سے ہیں چند شکوے کسی کو بے حد شکایتیں ہیں

کسی کو ہم سے ہیں چند شکوے کسی کو بے حد شکایتیں ہیں

ہمارے حصے میں صرف اپنی صفائیاں ہیں وضاحتیں ہیں

قدم قدم پر بدل رہے ہیں مسافروں کی طلب کے رستے

ہواؤں جیسی محبتیں ہیں صداؤں جیسی رفاقتیں ہیں

کسی کا مقروض میں نہیں پر مرے گریباں پہ ہاتھ سب کے

کوئی مری چاہتوں کا دشمن کسی کو درکار چاہتیں ہیں

تری جدائی کے کتنے سورج افق پہ ڈوبے مگر ابھی تک

خلش ہے سینے میں پہلے دن سی لہو میں ویسی ہی وحشتیں ہیں

مری محبت کے رازداں نے یہ کہہ کے لوٹا دیا مرا خط

کہ بھیگی بھیگی سی آنسوؤں میں تمام گنجلک عبارتیں ہیں

میں دوسروں کی خوشی کی خاطر غبار بن کر بکھر گیا ہوں

مگر کسی نے یہ حق نہ مانا کہ میری بھی کچھ ضرورتیں ہیں

kisi ko ham se hain chand shikwe kisi ko be had shikayaten hain

hamare hisse mein sirf apni safaiyan hain wazahten hain

qadam qadam par badal rahe hain musafiron ki talab ke raste

hawaon jaisi mohabbaten hain sadaon jaisi rifaqaten hain

kisi ka maqruz mein nahin par mire gareban pe hath sab ke

koi miri chahaton ka dushman kisi ko darkar chahaten hain

tiri judai ke kitne suraj ufuq pe dube magar abhi tak

khalish hai sine mein pahle din si lahu mein waisi hi wahshaten hain

miri mohabbat ke razdan ne ye kah ke lauta diya mira khat

ke bhigi bhigi si ansuon mein tamam gunjlak ibaraten hain

main dusron ki khushi ki khatir ghubar ban kar bikhar gaya hun

magar kisi ne ye haq na mana ke meri bhi kuchh zaruraten hain