دھڑکن دھڑکن یادوں کی بارات اکیلا کمرہ

دھڑکن دھڑکن یادوں کی بارات اکیلا کمرہ

میں اور میرے زخمی احساسات اکیلا کمرہ

گئے دنوں کی تصویروں کے بجھتے ہوئے نقوش

تازہ ترک تعلق کے صدمات اکیلا کمرہ

دوش ہوا پر اڑنے والے خزاں کے آخری پتے

اپنی اکیلی جان غم حالات اکیلا کمرہ

آخری شب کے چاند سے کرنا بالکنی میں باتیں

اس کے شہر میں ہوٹل کی یہ رات اکیلا کمرہ

میری سسکتی آوازوں سے گونجتی ہیں دیواریں

سنتا ہے دن رات مرے نغمات اکیلا کمرہ

سب سامان بہم ہیں ساجدؔ لکھنے لکھانے کے

خون جگر اور آنسو دل کی دوات اکیلا کمرہ

dharkan dharkan yadon ki barat akela kamra

main aur mere zakhmi ehsasat akela kamra

gae dinon ki taswiron ke bujhte hue nuqush

taza tark-e-taalluq ke sadmat akela kamra

dosh hawa par urne wale khizan ke akhiri patte

apni akeli jan-e-gham halat akela kamra

akhiri shab ke chand se karna balkani mein baten

us ke shahr mein hotal ki ye rat akela kamra

meri sisakti awazon se gunjti hain diwaren

sunta hai din rat mire naghmat akela kamra

sab saman baham hain sajid likhne likhane ke

khun-e-jigar aur ansu dil ki dawat akela kamra