مری روح میں جو اتر سکیں وہ محبتیں مجھے چاہئیں

مری روح میں جو اتر سکیں وہ محبتیں مجھے چاہئیں

جو سراب ہوں نہ عذاب ہوں وہ رفاقتیں مجھے چاہئیں

انہیں ساعتوں کی تلاش ہے جو کیلنڈروں سے اتر گئیں

جو سمے کے ساتھ گزر گئیں وہی فرصتیں مجھے چاہئیں

کہیں مل سکیں تو سمیٹ لا مرے روز و شب کی کہانیاں

جو غبار وقت میں چھپ گئیں وہ حکایتیں مجھے چاہئیں

جو مری شبوں کے چراغ تھے جو مری امید کے باغ تھے

وہی لوگ ہیں مری آرزو وہی صورتیں مجھے چاہئیں

تری قربتیں نہیں چاہئیں مری شاعری کے مزاج کو

مجھے فاصلوں سے دوام دے تری فرقتیں مجھے چاہئیں

مجھے اور کچھ نہیں چاہئے یہ دعائیں ہیں مرے سائباں

کڑی دھوپ میں کہیں مل سکیں تو یہی چھتیں مجھے چاہئیں

miri ruh mein jo utar saken wo mohabbaten mujhe chahiyen

jo sarab hun na azab hun wo rifaqaten mujhe chahiyen

unhen saaton ki talash hai jo kailandaron se utar gain

jo samay ke sath guzar gain wahi fursaten mujhe chahiyen

kahin mil saken to samet la mire roz-o-shab ki kahaniyan

jo ghubar-e-waqt mein chhup gain wo hikayaten mujhe chahiyen

jo miri shabon ke charagh the jo miri umid ke bagh the

wahi log hain miri arzu wahi suraten mujhe chahiyen

tiri qurbaten nahin chahiyen miri shayari ke mizaj ko

mujhe faslon se dawam de tiri firqaten mujhe chahiyen

mujhe aur kuchh nahin chahiye ye duaen hain mire saiban

kari dhup mein kahin mil saken to yahi chhaten mujhe chahiyen