آنے والی تھی خزاں میدان خالی کر دیا

آنے والی تھی خزاں میدان خالی کر دیا

کل ہوائے شب نے سارا لان خالی کر دیا

ہم ترے خوابوں کی جنت سے نکل کر آ گئے

دیکھ تیرا قصر عالی شان خالی کر دیا

دشمنوں نے شست باندھی خیمۂ امید پر

دوستوں نے درۂ امکان خالی کر دیا

بانٹنے نکلا ہے وہ پھولوں کے تحفے شہر میں

اس خبر پر ہم نے بھی گلدان خالی کر دیا

لے گیا وہ ساتھ اپنے دل کی ساری رونقیں

کس قدر یہ شہر تھا گنجان خالی کر دیا

ساری چڑیاں اڑ گئیں مجھ کو اکیلا چھوڑ کر

میرے گھر کا صحن اور دالان خالی کر دیا

ڈائری میں سارے اچھے شعر چن کر لکھ لیے

ایک لڑکی نے مرا دیوان خالی کر دیا

ane wali thi khizan maidan-e-khali kar diya

kal hawa-e-shab ne sara lan khali kar diya

ham tire khwabon ki jannat se nikal kar a gae

dekh tera qasr-e-ali shan-e-khali kar diya

dushmanon ne shist bandhi khema-e-ummid par

doston ne darra-e-imkan khali kar diya

bantne nikla hai wo phulon ke tohfe shahr mein

is khabar par ham ne bhi guldan khali kar diya

le gaya wo sath apne dil ki sari raunaqen

kis qadar ye shahr tha gunjan khali kar diya

sari chiriyan ur gain mujh ko akela chhor kar

mere ghar ka sehn aur dalan khali kar diya

dairi mein sare achchhe sher chun kar likh liye

ek larki ne mira diwan khali kar diya