کیسے کہیں کہ جان سے پیارا نہیں رہا

کیسے کہیں کہ جان سے پیارا نہیں رہا

یہ اور بات اب وہ ہمارا نہیں رہا

آنسو ترے بھی خشک ہوئے اور میرے بھی

نم اب کسی ندی کا کنارا نہیں رہا

کچھ دن تمہارے لوٹ کے آنے کی آس تھی

اب اس امید کا بھی سہارا نہیں رہا

رستے مہہ‌ و نجوم کے تبدیل ہو گئے

ان کھڑکیوں میں ایک بھی تارا نہیں رہا

سمجھے تھے دوسروں سے بہت مختلف تجھے

کیا مان لیں کہ تو بھی ہمارا نہیں رہا

ہاتھوں پہ بجھ گئی ہے مقدر کی کہکشاں

یا راکھ ہو گیا وہ ستارا نہیں رہا

تم اعتبار اس کے لیے کیوں اداس ہو

اک شخص جو کبھی بھی تمہارا نہیں رہا

kaise kahen ke jan se pyara nahin raha

ye aur bat ab wo hamara nahin raha

ansu tire bhi khushk hue aur mere bhi

nam ab kisi nadi ka kinara nahin raha

kuchh din tumhare laut ke ane ki as thi

ab is umid ka bhi sahara nahin raha

raste maha-o-nujum ke tabdil ho gae

in khirkiyon mein ek bhi tara nahin raha

samjhe the dusron se bahut mukhtalif tujhe

kya man len ke tu bhi hamara nahin raha

hathon pe bujh gai hai muqaddar ki kahkashan

ya rakh ho gaya wo sitara nahin raha

tum etibar us ke liye kyun udas ho

ik shakhs jo kabhi bhi tumhara nahin raha