پھول تھے رنگ تھے لمحوں کی صباحت ہم تھے

پھول تھے رنگ تھے لمحوں کی صباحت ہم تھے

ایسے زندہ تھے کہ جینے کی علامت ہم تھے

سب خرد مند بنے پھرتے تھے ماشاء اللہ

بس ترے شہر میں اک صاحب وحشت ہم تھے

نام بخشا ہے تجھے کس کے وفور غم نے

گر کوئی تھا تو ترے مجرم شہرت ہم تھے

اب تو خود اپنی ضرورت بھی نہیں ہے ہم کو

وہ بھی دن تھے کہ کبھی تیری ضرورت ہم تھے

دھوپ کے دشت میں کتنا وہ ہمیں ڈھونڈتا تھا

اعتبارؔ اس کے لیے ابر کی صورت ہم تھے

phul the rang the lamhon ki sabahat ham the

aise zinda the ke jine ki alamat ham the

sab khirad mand bane phirte the masha allah

bas tire shahr mein ik sahab-e-wahshat ham the

nam bakhsha hai tujhe kis ke wafur-e-gham ne

gar koi tha to tire mujrim-e-shohrat ham the

ab to khud apni zarurat bhi nahin hai ham ko

wo bhi din the ke kabhi teri zarurat ham the

dhup ke dasht mein kitna wo hamen dhundta tha

etibar us ke liye abr ki surat ham the