میں تکیے پر ستارے بو رہا ہوں

میں تکیے پر ستارے بو رہا ہوں

جنم دن ہے اکیلا رو رہا ہوں

کسی نے جھانک کر دیکھا نہ دل میں

کہ میں اندر سے کیسا ہو رہا ہوں

جو دل پر داغ ہیں پچھلی رتوں کے

انہیں اب آنسوؤں سے دھو رہا ہوں

سبھی پرچھائیاں ہیں ساتھ لیکن

بھری محفل میں تنہا ہو رہا ہوں

مجھے ان نسبتوں سے کون سمجھا

میں رشتے میں کسی کا جو رہا ہوں

میں چونک اٹھتا ہوں اکثر بیٹھے بیٹھے

کہ جیسے جاگتے میں سو رہا ہوں

کسے پانے کی خواہش ہے کہ ساجدؔ

میں رفتہ رفتہ خود کو کھو رہا ہوں

main takiye par sitare bu raha hun

janam din hai akela ro raha hun

kisi ne jhank kar dekha na dil mein

ke main andar se kaisa ho raha hun

jo dil par dagh hain pichhli ruton ke

unhen ab ansuon se dho raha hun

sabhi parchhaiyan hain sath lekin

bhari mahfil mein tanha ho raha hun

mujhe in nisbaton se kaun samjha

main rishte mein kisi ka jo raha hun

main chaunk uthta hun aksar baithe baithe

ke jaise jagte mein so raha hun

kise pane ki khwahish hai ke sajid

main rafta rafta khud ko kho raha hun