تمہیں جب کبھی ملیں فرصتیں مرے دل سے بوجھ اتار دو

تمہیں جب کبھی ملیں فرصتیں مرے دل سے بوجھ اتار دو

میں بہت دنوں سے اداس ہوں مجھے کوئی شام ادھار دو

مجھے اپنے روپ کی دھوپ دو کہ چمک سکیں مرے خال و خد

مجھے اپنے رنگ میں رنگ دو مرے سارے رنگ اتار دو

کسی اور کو مرے حال سے نہ غرض ہے کوئی نہ واسطہ

میں بکھرگیا ہوں سمیٹ لو میں بگڑ گیا ہوں سنوار دو

tumhen jab kabhi milen fursaten mire dil se bojh utar do

main bahut dinon se udas hun mujhe koi sham udhar do

mujhe apne rup ki dhup do ke chamak saken mire khal-o-khad

mujhe apne rang mein rang do mire sare rang utar do

kisi aur ko mire hal se na gharaz hai koi na wasta

main bikhargaya hun samet lo mein bigar gaya hun sanwar do