نیرنگیٔ وحشت کی دھنک دیکھ رہے ہیں

نیرنگیٔ وحشت کی دھنک دیکھ رہے ہیں

ٹوٹے ہوئے تارے کی چمک دیکھ رہے ہیں

اس آئنہ خانہ نما عالم سے نکل کر

کچھ لوگ پس بام فلک دیکھ رہے ہیں

دل گلیوں میں بیٹھے ہوئے خوابیدہ مسافر

اس شہر تمنا کی سڑک دیکھ رہے ہیں

گنوائیں گے بنیاد کی کمیاں بھی ابھی ہم

دیواروں پہ منقوش درک دیکھ رہے ہیں

اک بود کو پھر ہست بنانے پہ تلا ہے

حیرت سے ہم اس دل کی سنک دیکھ رہے ہیں

دنیا نے جسے قبر کہا ہے ہم اسی میں

اک حسن مجسم کی جھلک دیکھ رہے ہیں

ہم گوش بر آواز عدم لوگ ہیں جانیؔ

آواز خموشی کی کھنک دیکھ رہے ہیں

nairangi-e-wahshat ki dhanak dekh rahe hain

tute hue tare ki chamak dekh rahe hain

is aina khana numa alam se nikal kar

kuchh log pas bam-e-falak dekh rahe hain

dil galiyon mein baithe hue khwabida musafir

is shahr-e-tamanna ki sarak dekh rahe hain

ganwaenge buniyad ki kamiyan bhi abhi ham

diwaron pe manqush dark dekh rahe hain

ik bud ko phir hast-e-banane pe tala hai

hairat se ham is dil ki sank dekh rahe hain

duniya ne jise qabr kaha hai ham isi mein

ik husn mujassam ki jhalak dekh rahe hain

ham gosh bar awaz-e-adam log hain jani

awaz khamoshi ki khanak dekh rahe hain