تیر جیسے کمان سے نکلا

تیر جیسے کمان سے نکلا

حرف حق تھا زبان سے نکلا

قید ہستی سے چھوٹنے والا

وقت کے امتحان سے نکلا

ٹک نہ پایا ہوا کے جھونکوں میں

پر شکستہ اڑان سے نکلا

شیر آیا کچھار سے باہر

اور شعلہ مچان سے نکلا

غم وہ کانٹا کہ آخری دم تک

دل کو چھوڑا نہ جان سے نکلا

جب اجل جھانکتی پھری گھر گھر

کون زندہ مکان سے نکلا

ظلمتوں کا سفیر تھا کیا تھا

سایہ اک سائبان سے نکلا

مصلحت روکتی رہی اعجازؔ

تھا جو دل میں زبان سے نکلا

tir jaise kaman se nikla

harf-e-haq tha zaban se nikla

qaid-e-hasti se chhutne wala

waqt ke imtihan se nikla

tuk na paya hawa ke jhonkon mein

par shikasta uran se nikla

sher aya kachhar se bahar

aur shola machan se nikla

gham wo kanta ke akhiri dam tak

dil ko chhora na jan se nikla

jab ajal jhankti phiri ghar ghar

kaun zinda makan se nikla

zulmaton ka safir tha kya tha

saya ik saiban se nikla

maslahat rokti rahi ejaz

tha jo dil mein zaban se nikla