بجلی کی زد میں ایک مرا آشیاں نہیں

بجلی کی زد میں ایک مرا آشیاں نہیں

وہ کون سی زمیں ہے جہاں آسماں نہیں

بلبل کو غم ہے گل کے نگہباں نہیں رہے

گلچیں ہے خوش کہ اب کوئی دامن کشاں نہیں

منزل کا ملنا ذوق تجسس کی موت ہے

اچھا ہے جو حیات مری کامراں نہیں

چشم کرم نہیں نگۂ خشمگیں تو ہے

نا مہرباں تو ہیں وہ اگر مہرباں نہیں

وہ اپنی اپنی طرز تکلم کی بات ہے

گل محو گفتگو ہیں گو منہ میں زباں نہیں

bijli ki zad mein ek mira ashiyan nahin

wo kaun si zamin hai jahan asman nahin

bulbul ko gham hai gul ke nigahban nahin rahe

gulchin hai khush ke ab koi daman kashan nahin

manzil ka milna zauq-e-tajassus ki maut hai

achchha hai jo hayat miri kamran nahin

chashm-e-karam nahin nigah-e-khashmgin to hai

na mehrban to hain wo agar mehrban nahin

wo apni apni tarz-e-takallum ki bat hai

gul mahw-e-guftugu hain go munh mein zaban nahin