اب نہ بہل سکے گا دل اب نہ دیئے جلائیے

اب نہ بہل سکے گا دل اب نہ دیئے جلائیے

عشق و ہوس ہیں سب فریب آپ سے کیا چھپائیے

اس نے کہا کہ یاد ہیں رنگ طلوع عشق کے

میں نے کہا کہ چھوڑیئے اب انہیں بھول جائیے

کیسے نفیس تھے مکاں صاف تھا کتنا آسماں

میں نے کہا کہ وہ سماں آج کہاں سے لائیے

کچھ تو سراغ مل سکے موسم درد ہجر کا

سنگ جمال یار پر نقش کوئی بنائیے

کوئی شرر نہیں بچا پچھلے برس کی راکھ میں

ہم نفسان شعلہ خو آگ نئی جلائیے

ab na bahal sakega dil ab na diye jalaiye

ishq-o-hawas hain sab fareb ap se kya chhupaiye

us ne kaha ke yad hain rang tulu-e-ishq ke

main ne kaha ke chhoriye ab unhen bhul jaiye

kaise nafis the makan saf tha kitna asman

main ne kaha ke wo saman aj kahan se laiye

kuchh to suragh mil sake mausam-e-dard-e-hijr ka

sang jamal-e-yar par naqsh koi banaiye

koi sharar nahin bacha pichhle baras ki rakh mein

ham nafasan shola khu ag nai jalaiye