ہمیں سب اہل ہوس ناپسند رکھتے ہیں

ہمیں سب اہل ہوس ناپسند رکھتے ہیں

کہ ہم نوائے محبت بلند رکھتے ہیں

اسی لیے تو خفا ہیں ستم شعار کہ ہم

نگاہ نرم و دل دردمند رکھتے ہیں

اگرچہ دل وہی رجعت پسند ہے اپنا

مگر زبان ترقی پسند رکھتے ہیں

ہم ایسے عرش نشینوں سے وہ درخت اچھے

جو آندھیوں میں بھی سر کو بلند رکھتے ہیں

چلے ہو دیکھنے مشتاقؔ جن کو پچھلی رات

وہ لوگ شام سے دروازہ بند رکھتے ہیں

hamen sab ahl-e-hawas napasand rakhte hain

ke ham nawa-e-mohabbat buland rakhte hain

isi liye to khafa hain sitam shiar ke ham

nigah narm-o-dil dardmand rakhte hain

agarche dil wahi rajat pasand hai apna

magar zaban-e-taraqqi pasand rakhte hain

ham aise arsh nashinon se wo darakht achchhe

jo andhiyon mein bhi sar ko buland rakhte hain

chale ho dekhne mushtaq jin ko pichhli rat

wo log sham se darwaza band rakhte hain