بھاگنے کا کوئی رستہ نہیں رہنے دیتے

بھاگنے کا کوئی رستہ نہیں رہنے دیتے

کوئی در کوئی دریچہ نہیں رہنے دیتے

آسماں پر سے مٹا دیتے ہیں تاروں کا سراغ

ریت پر نقش کف پا نہیں رہنے دیتے

کوئی تصویر مکمل نہیں ہونے پاتی

دھوپ دیتے ہیں تو سایا نہیں رہنے دیتے

پہلے بھر دیتے ہیں سامان دو عالم دل میں

پھر کسی شے کی تمنا نہیں رہنے دیتے

شہر کوراں میں بھی آئینہ فروش آتے ہیں

بے تجلی کوئی قریہ نہیں رہنے دیتے

طور سینا ہو کہ آتش کدہ سوز نہاں

راکھ رہ جاتی ہے شعلہ نہیں رہنے دیتے

bhagne ka koi rasta nahin rahne dete

koi dar koi daricha nahin rahne dete

asman par se mita dete hain taron ka suragh

ret par naqsh-e-kaf-e-pa nahin rahne dete

koi taswir mukammal nahin hone pati

dhup dete hain to saya nahin rahne dete

pahle bhar dete hain saman do alam dil mein

phir kisi shai ki tamanna nahin rahne dete

shahr koran mein bhi aina farosh ate hain

be tajalli koi qarya nahin rahne dete

tur-e-sina ho ke atish kada soz-e-nihan

rakh rah jati hai shola nahin rahne dete