زلف دیکھی وہ دھواں دھار وہ چہرا دیکھا

زلف دیکھی وہ دھواں دھار وہ چہرا دیکھا

سچ بتا دیکھنے والے اسے کیسا دیکھا

رات ساری کسی ٹوٹی ہوئی کشتی میں کٹی

آنکھ بستر پہ کھلی خواب میں دریا دیکھا

زرد گلیوں میں کھلے سبز دریچے جن میں

دھوپ لپٹی رہی اور سائے کو جلتا دیکھا

کالے کمروں میں کٹی ساری جوانی اس کی

جس نے اے صبح محبت ترا رستا دیکھا

سنتے رہتے تھے کہ یوں ہوگا وہ ایسا ہوگا

لیکن اس کو تو کسی اور طرح کا دیکھا

zulf dekhi wo dhuan dhar wo chehra dekha

sach bata dekhne wale use kaisa dekha

rat sari kisi tuti hui kashti mein kati

ankh bistar pe khuli khwab mein dariya dekha

zard galiyon mein khule sabz dariche jin mein

dhup lipti rahi aur sae ko jalta dekha

kale kamron mein kati sari jawani us ki

jis ne ai subh mohabbat tira rasta dekha

sunte rahte the ke yun hoga wo aisa hoga

lekin us ko to kisi aur tarah ka dekha