اک پھول میرے پاس تھا اک شمع میرے ساتھ تھی

اک پھول میرے پاس تھا اک شمع میرے ساتھ تھی

باہر خزاں کا زور تھا اندر اندھیری رات تھی

ایسے پریشاں تو نہ تھے ٹوٹے ہوئے سناہٹے

جب عشق کی تیرے مرے غم پر بسر اوقات تھی

کچھ تم کہو تم نے کہاں کیسے گزارے روز و شب

اپنے نہ ملنے کا سبب تو گردش حالات تھی

اک خامشی تھی تر بہ تر دیوار مژگاں سے ادھر

پہنچا ہوا پیغام تھا برسی ہوئی برسات تھی

سب پھول دروازوں میں تھے سب رنگ آوازوں میں تھے

اک شہر دیکھا تھا کبھی اس شہر کی کیا بات تھی

یہ ہیں نئے لوگوں کے گھر سچ ہے اب ان کو کیا خبر

دل بھی کسی کا نام تھا غم بھی کسی کی ذات تھی

ik phul mere pas tha ik shama mere sath thi

bahar khizan ka zor tha andar andheri rat thi

aise pareshan to na the tute hue sunahate

jab ishq ki tere mire gham par basar auqat thi

kuchh tum kaho tum ne kahan kaise guzare roz-o-shab

apne na milne ka sabab to gardish-e-halat thi

ik khamushi thi tar ba tar diwar mizhgan se idhar

pahuncha hua paigham tha barsi hui barsat thi

sab phul darwazon mein the sab rang awazon mein the

ik shahr dekha tha kabhi is shahr ki kya bat thi

ye hain nae logon ke ghar sach hai ab un ko kya khabar

dil bhi kisi ka nam tha gham bhi kisi ki zat thi