تشنہ لب ہوں اداس بیٹھا ہوں

تشنہ لب ہوں اداس بیٹھا ہوں

میں سمندر کے پاس بیٹھا ہوں

وہ نگاہیں چرائے بیٹھے ہیں

میں سراپا سپاس بیٹھا ہوں

میں بھی کیا قاتلوں کی بستی میں

لے کے جینے کی آس بیٹھا ہوں

آپ کیا ظرف آزماتے ہیں

پی کے برسوں کی پیاس بیٹھا ہوں

اک مکمل کتاب تھا پہلے

ہو کے اب اقتباس بیٹھا ہوں

آخری دن ہیں عمر کے اعجازؔ

قبر کے آس پاس بیٹھا ہوں

tishna lab hun udas baitha hun

main samundar ke pas baitha hun

wo nigahen churae baithe hain

main sarapa sipas baitha hun

main bhi kya qatilon ki basti mein

le ke jine ki as baitha hun

ap kya zarf azmate hain

pi ke barson ki pyas baitha hun

ik mukammal kitab tha pahle

ho ke ab iqtibas baitha hun

akhiri din hain umr ke ejaz

qabr ke as pas baitha hun