منظر صبح دکھانے اسے لایا نہ گیا

منظر صبح دکھانے اسے لایا نہ گیا

آتی جاتی رہیں شامیں کوئی آیا نہ گیا

رات بستر پہ کھلے چاند میں سوتا تھا کوئی

میں نے چاہا کہ جگاؤں تو جگایا نہ گیا

ایک مدت اسے دیکھا اسے چاہا لیکن

وہ کبھی پاس سے گزرا تو بلایا نہ گیا

گھیرے رہتی تھی اسے ایک جہاں کی نظریں

پھر جو دیکھا تو وہ اس آن میں پایا نہ گیا

سر اٹھاتے ہی کڑی دھوپ کی یلغار ہوئی

دو قدم بھی کسی دیوار کا سایا نہ گیا

تھا مقرر کہ ملاقات رہے گی اس سے

وہ تو پہنچا تھا مگر مجھ سے ہی آیا نہ گیا

manzar-e-subh dikhane use laya na gaya

ati jati rahen shamen koi aya na gaya

rat bistar pe khule chand mein sota tha koi

main ne chaha ke jagaun to jagaya na gaya

ek muddat use dekha use chaha lekin

wo kabhi pas se guzra to bulaya na gaya

ghere rahti thi use ek jahan ki nazren

phir jo dekha to wo is an mein paya na gaya

sar uthate hi kari dhup ki yalghar hui

do qadam bhi kisi diwar ka saya na gaya

tha muqarrar ke mulaqat rahegi us se

wo to pahuncha tha magar mujh se hi aya na gaya