بہتا آنسو ایک جھلک میں کتنے روپ دکھائے گا

بہتا آنسو ایک جھلک میں کتنے روپ دکھائے گا

آنکھ سے ہو کر گال بھگو کر مٹی میں مل جائے گا

بھولنے والے! وقت کے ایوانوں میں کون ٹھہرتا ہے

بیتی شام کے دروازے پر کس کو بلانے آئے گا

آنکھ مچولی کھیل رہا ہے اک بدلی سے اک تارا

پھر بدلی کی یورش ہوگی پھر تارا چھپ جائے گا

اندھیارے کے گھور نگر میں ایک کرن آباد ہوئی

کس کو خبر ہے پہلا جھونکا کتنے پھول کھلائے گا

پھر اک لمحہ آن رکا ہے وقت کے سونے صحرا میں

پل بھر اپنی چھب دکھلا کر لمحوں میں مل جائے گا

bahta ansu ek jhalak mein kitne rup dikhaega

ankh se ho kar gal bhigo kar mitti mein mil jaega

bhulne wale! waqt ke aiwanon mein kaun thaharta hai

biti sham ke darwaze par kis ko bulane aega

ankh michauli khel raha hai ik badli se ik tara

phir badli ki yurish hogi phir tara chhup jaega

andhiyare ke ghur nagar mein ek kiran abad hui

kis ko khabar hai pahla jhonka kitne phul khilaega

phir ik lamha an ruka hai waqt ke sone sahra mein

pal bhar apni chhab dikhla kar lamhon mein mil jaega