بھولے بسرے موسموں کے درمیاں رہتا ہوں میں

بھولے بسرے موسموں کے درمیاں رہتا ہوں میں

اب جہاں کوئی نہیں رہتا وہاں رہتا ہوں میں

دن ڈھلے کرتا ہوں بوڑھی ہڈیوں سے ساز باز

جب تلک شب ڈھل نہیں جاتی جواں رہتا ہوں میں

کیا خبر ان کو بھی آتا ہو کبھی میرا خیال

کن ملالوں میں ہوں کیسا ہوں کہاں رہتا ہوں میں

جگمگاتے جاگتے شہروں میں رہتا ہوں ملول

سوئی سوئی بستیوں میں شادماں رہتا ہوں میں

بوتا رہتا ہوں ہوا میں گم شدہ نغموں کے بیج

وہ سمجھتے ہیں کہ مصروف فغاں رہتا ہوں میں

bhule basre mausamon ke darmiyan rahta hun main

ab jahan koi nahin rahta wahan rahta hun main

din dhale karta hun burhi haddiyon se saz baz

jab talak shab dhal nahin jati jawan rahta hun main

kya khabar un ko bhi ata ho kabhi mera khayal

kin malalon mein hun kaisa hun kahan rahta hun main

jagmagate jagte shahron mein rahta hun malul

soi soi bastiyon mein shadman rahta hun main

bota rahta hun hawa mein gum shuda naghmon ke bij

wo samajhte hain ke masruf-e-fughan rahta hun main