شام غم یاد ہے کب شمع جلی یاد نہیں

شام غم یاد ہے کب شمع جلی یاد نہیں

کب وہ رخصت ہوئے کب رات ڈھلی یاد نہیں

دل سے بہتے ہوئے پانی کی صدا گزری تھی

کب دھندلکا ہوا کب ناؤ چلی یاد نہیں

ٹھنڈے موسم میں پکارا کوئی ہم آتے ہیں

جس میں ہم کھیل رہے تھے وہ گلی یاد نہیں

ان مضافات میں چھپ چھپ کے ہوا چلتی تھی

کیسے کھلتی تھی محبت کی کلی یاد نہیں

جسم و جاں ڈوب گئے خواب فراموشی میں

اب کوئی بات بری ہو کہ بھلی یاد نہیں

sham-e-gham yad hai kab shama jali yad nahin

kab wo rukhsat hue kab rat dhali yad nahin

dil se bahte hue pani ki sada guzri thi

kab dhundalka hua kab nao chali yad nahin

thande mausam mein pukara koi ham ate hain

jis mein ham khel rahe the wo gali yad nahin

un muzafat mein chhup chhup ke hawa chalti thi

kaise khulti thi mohabbat ki kali yad nahin

jism-o-jan dub gae khwab faramoshi mein

ab koi bat buri ho ke bhali yad nahin