دنیا میں سراغ رہ دنیا نہیں ملتا

دنیا میں سراغ رہ دنیا نہیں ملتا

دریا میں اتر جائیں تو دریا نہیں ملتا

باقی تو مکمل ہے تمنا کی عمارت

اک گزرے ہوئے وقت کا شیشہ نہیں ملتا

جاتے ہوئے ہر چیز یہیں چھوڑ گیا تھا

لوٹا ہوں تو اک دھوپ کا ٹکڑا نہیں ملتا

جو دل میں سمائے تھے وہ اب شامل دل ہیں

اس آئنے میں عکس کسی کا نہیں ملتا

تو نے ہی تو چاہا تھا کہ ملتا رہوں تجھ سے

تیری یہی مرضی ہے تو اچھا نہیں ملتا

دل میں تو دھڑکنے کی صدا بھی نہیں مشتاقؔ

رستے میں ہے وہ بھیڑ کہ رستہ نہیں ملتا

duniya mein suragh-e-rah duniya nahin milta

dariya mein utar jaen to dariya nahin milta

baqi to mukammal hai tamanna ki imarat

ik guzre hue waqt ka shisha nahin milta

jate hue har chiz yahin chhor gaya tha

lauta hun to ik dhup ka tukra nahin milta

jo dil mein samae the wo ab shamil dil hain

is aine mein aks kisi ka nahin milta

tu ne hi to chaha tha ke milta rahun tujh se

teri yahi marzi hai to achchha nahin milta

dil mein to dharakne ki sada bhi nahin mushtaq

raste mein hai wo bhir ke rasta nahin milta