دلوں کی اور دھواں سا دکھائی دیتا ہے

دلوں کی اور دھواں سا دکھائی دیتا ہے

یہ شہر تو مجھے جلتا دکھائی دیتا ہے

جہاں کہ داغ ہے یاں آگے درد رہتا تھا

مگر یہ داغ بھی جاتا دکھائی دیتا ہے

پکارتی ہیں بھرے شہر کی گزر گاہیں

وہ روز شام کو تنہا دکھائی دیتا ہے

یہ لوگ ٹوٹی ہوئی کشتیوں میں سوتے ہیں

مرے مکان سے دریا دکھائی دیتا ہے

خزاں کے زرد دنوں کی سیاہ راتوں میں

کسی کا پھول سا چہرہ دکھائی دیتا ہے

کہیں ملے وہ سر راہ تو لپٹ جائیں

بس اب تو ایک ہی رستہ دکھائی دیتا ہے

dilon ki aur dhuan sa dikhai deta hai

ye shahr to mujhe jalta dikhai deta hai

jahan ke dagh hai yan age dard rahta tha

magar ye dagh bhi jata dikhai deta hai

pukarti hain bhare shahr ki guzar gahen

wo roz sham ko tanha dikhai deta hai

ye log tuti hui kashtiyon mein sote hain

mire makan se dariya dikhai deta hai

khizan ke zard dinon ki siyah raton mein

kisi ka phul sa chehra dikhai deta hai

kahin mile wo sar-e-rah to lipat jaen

bas ab to ek hi rasta dikhai deta hai