کہوں کس سے رات کا ماجرا نئے منظروں پہ نگاہ تھی

کہوں کس سے رات کا ماجرا نئے منظروں پہ نگاہ تھی

نہ کسی کا دامن چاک تھا نہ کسی کی طرف کلاہ تھی

کئی چاند تھے سر آسماں کہ چمک چمک کے پلٹ گئے

نہ لہو مرے ہی جگر میں تھا نہ تمہاری زلف سیاہ تھی

دل کم الم پہ وہ کیفیت کہ ٹھہر سکے نہ گزر سکے

نہ حضر ہی راحت روح تھا نہ سفر میں رامش راہ تھی

مرے چار دانگ تھی جلوہ گر وہی لذت طلب سحر

مگر اک امید شکستہ پر کہ مثال درد سیاہ تھی

وہ جو رات مجھ کو بڑے ادب سے سلام کر کے چلا گیا

اسے کیا خبر مرے دل میں بھی کبھی آرزوئے گناہ تھی

kahun kis se rat ka majra nae manzaron pe nigah thi

na kisi ka daman-e-chak tha na kisi ki taraf kulah thi

kai chand the sar-e-asman ke chamak chamak ke palat gae

na lahu mire hi jigar mein tha na tumhari zulf-e-siyah thi

dil kam alam pe wo kaifiyat ke thahar sake na guzar sake

na hazar hi rahat ruh tha na safar mein ramish rah thi

mire char dang thi jalwa gar wahi lazzat-e-talab sahar

magar ik umid shikasta par ke misal-e-dard siyah thi

wo jo rat mujh ko bare adab se salam kar ke chala gaya

use kya khabar mire dil mein bhi kabhi arzu-e-gunah thi