شبنم کو ریت پھول کو کانٹا بنا دیا

شبنم کو ریت پھول کو کانٹا بنا دیا

ہم نے تو اپنے باغ کو صحرا بنا دیا

اس اونچ نیچ پر تو ٹھہرتے نہیں تھے پاؤں

کس دست شوق نے اسے دنیا بنا دیا

کن مٹھیوں نے بیج بکھیرے زمین پر

کن بارشوں نے اس کو تماشا بنا دیا

سیراب کر دیا تری موج خرام نے

رکھا جہاں قدم وہاں دریا بنا دیا

اک رات چاندنی مرے بستر پہ آئی تھی

میں نے تراش کر ترا چہرہ بنا دیا

پوچھے اگر کوئی تو اسے کیا بتاؤں میں

دل کیا تھا، تیرے غم نے اسے کیا بنا دیا

shabnam ko ret phul ko kanta bana diya

ham ne to apne bagh ko sahra bana diya

is unch nich par to thaharte nahin the paon

kis dast-e-shauq ne use duniya bana diya

kin mutthiyon ne bij bikhere zamin par

kin barishon ne us ko tamasha bana diya

sairab kar diya tiri mauj-e-khiram ne

rakha jahan qadam wahan dariya bana diya

ik rat chandni mire bistar pe ai thi

main ne tarash kar tira chehra bana diya

puchhe agar koi to use kya bataun main

dil kya tha, tere gham ne use kya bana diya