ان موسموں میں ناچتے گاتے رہیں گے ہم

ان موسموں میں ناچتے گاتے رہیں گے ہم

ہنستے رہیں گے شور مچاتے رہیں گے ہم

لب سوکھ کیوں نہ جائیں گلا بیٹھ کیوں نہ جائے

دل میں ہیں جو سوال اٹھاتے رہیں گے ہم

اپنی رہ سلوک میں چپ رہنا منع ہے

چپ رہ گئے تو جان سے جاتے رہیں گے ہم

نکلے تو اس طرح کہ دکھائی نہیں دیے

ڈوبے تو دیر تک نظر آتے رہیں گے ہم

دکھ کے سفر پہ دل کو روانہ تو کر دیا

اب ساری عمر ہاتھ ہلاتے رہیں گے ہم

in mausamon mein nachte gate rahenge ham

hanste rahenge shor machate rahenge ham

lab sukh kyun na jaen gila baith kyun na jae

dil mein hain jo sawal uthate rahenge ham

apni rah-e-suluk mein chup rahna mana hai

chup rah gae to jan se jate rahenge ham

nikle to is tarah ke dikhai nahin diye

dube to der tak nazar ate rahenge ham

dukh ke safar pe dil ko rawana to kar diya

ab sari umr hath hilate rahenge ham