ہاتھ سے ناپتا ہوں درد کی گہرائی کو

ہاتھ سے ناپتا ہوں درد کی گہرائی کو

یہ نیا کھیل ملا ہے مری تنہائی کو

تھا جو سینے میں چراغ دل پر خوں نہ رہا

چاٹیے بیٹھ کے اب صبر و شکیبائی کو

دل افسردہ کسی طرح بہلتا ہی نہیں

کیا کریں آپ کی اس حوصلہ افزائی کو

خیر بدنام تو پہلے بھی بہت تھے لیکن

تجھ سے ملنا تھا کہ پر لگ گئے رسوائی کو

نگۂ ناز نہ ملتے ہوئے گھبرا ہم سے

ہم محبت نہیں کہنے کے شناسائی کو

دل ہے نیرنگئ ایام پہ حیراں اب تک

اتنی سی بات بھی معلوم نہیں بھائی کو

hath se napta hun dard ki gahrai ko

ye naya khel mila hai miri tanhai ko

tha jo sine mein charagh-e-dil pur khun na raha

chatiye baith ke ab sabr-o-shakebai ko

dil-e-afsurda kisi tarah bahalta hi nahin

kya karen ap ki is hausla afzai ko

khair badnam to pahle bhi bahut the lekin

tujh se milna tha ke par lag gae ruswai ko

nigah-e-naz na milte hue ghabra ham se

ham mohabbat nahin kahne ke shanasai ko

dil hai nairangi-e-ayyam pe hairan ab tak

itni si bat bhi maalum nahin bhai ko