چھٹ گیا ابر شفق کھل گئی تارے نکلے

چھٹ گیا ابر شفق کھل گئی تارے نکلے

بند کمروں سے ترے درد کے مارے نکلے

شاخ پر پنکھڑیاں ہوں کہ پلک پر آنسو

تیرے دامن کی جھلک دیکھ کے سارے نکلے

تو اگر پاس نہیں ہے کہیں موجود تو ہے

تیرے ہونے سے بڑے کام ہمارے نکلے

تیرے ہونٹوں میری آنکھوں سے نہ بدلی دنیا

پھر وہی پھول کھلے پھر وہی تارے نکلے

رہ گئی لاج مری عرض وفا کی مشتاقؔ

خامشی سے تری کیا کیا نہ اشارے نکلے

chhut gaya abr-e-shafaq khul gai tare nikle

band kamron se tire dard ke mare nikle

shakh par pankhuriyan hun ke palak par ansu

tere daman ki jhalak dekh ke sare nikle

tu agar pas nahin hai kahin maujud to hai

tere hone se bare kam hamare nikle

tere honton meri ankhon se na badli duniya

phir wahi phul khule phir wahi tare nikle

rah gai laj miri arz-e-wafa ki mushtaq

khamushi se tiri kya kya na ishare nikle