آدمی کی حیات مٹھی بھر

آدمی کی حیات مٹھی بھر

یعنی کل کائنات مٹھی بھر

ہاتھ بھر کا ہے دن بچھڑنے کا

اور ملنے کی رات مٹھی بھر

کیا کرو گے سمیٹ کر دنیا

ہے جو دنیا کا ساتھ مٹھی بھر

کر گیا کشت آرزو شاداب

آپ کا التفات مٹھی بھر

اور ملنا بھی کیا سرابوں سے

ریت آئے گی ہاتھ مٹھی بھر

حوصلہ یوں نہ ہارتے اعجازؔ

ہو گئی تھی جو مات مٹھی بھر

admi ki hayat mutthi bhar

yaani kal kainat mutthi bhar

hath bhar ka hai din bichharne ka

aur milne ki rat mutthi bhar

kya karoge samet kar duniya

hai jo duniya ka sath mutthi bhar

kar gaya kisht-e-arzu shadab

ap ka iltifat mutthi bhar

aur milna bhi kya sarabon se

ret aegi hath mutthi bhar

hausla yun na harte ejaz

ho gai thi jo mat mutthi bhar