پانی میں عکس اور کسی آسماں کا ہے

پانی میں عکس اور کسی آسماں کا ہے

یہ ناؤ کون سی ہے یہ دریا کہاں کا ہے

دیوار پر کھلے ہیں نئے موسموں کے پھول

سایہ زمین پر کسی پچھلے مکاں کا ہے

چاروں طرف ہیں سبز سلاخیں بہار کی

جن میں گھرا ہوا کوئی موسم خزاں کا ہے

سب کچھ بدل گیا ہے تہہ آسماں مگر

بادل وہی ہیں رنگ وہی آسماں کا ہے

دل میں خیال شہر تمنا تھا جس جگہ

واں اب ملال اک سفر رائیگاں کا ہے

pani mein aks aur kisi asman ka hai

ye nao kaun si hai ye dariya kahan ka hai

diwar par khule hain nae mausamon ke phul

saya zamin par kisi pichhle makan ka hai

charon taraf hain sabz salakhen bahar ki

jin mein ghira hua koi mausam khizan ka hai

sab kuchh badal gaya hai tah-e-asman magar

badal wahi hain rang wahi asman ka hai

dil mein khayal shahr-e-tamanna tha jis jagah

wan ab malal ik safar raigan ka hai