تھم گیا درد اجالا ہوا تنہائی میں

تھم گیا درد اجالا ہوا تنہائی میں

برق چمکی ہے کہیں رات کی گہرائی میں

باغ کا باغ لہو رنگ ہوا جاتا ہے

وقت مصروف ہے کیسی چمن آرائی میں

شہر ویران ہوئے بحر بیابان ہوئے

خاک اڑتی ہے در و دشت کی پہنائی میں

ایک لمحے میں بکھر جاتا ہے تانا بانا

اور پھر عمر گزر جاتی ہے یکجائی میں

اس تماشے میں نہیں دیکھنے والا کوئی

اس تماشے کو جو برپا ہے تماشائی میں

tham gaya dard ujala hua tanhai mein

barq chamki hai kahin rat ki gahrai mein

bagh ka bagh lahu rang hua jata hai

waqt masruf hai kaisi chaman arai mein

shahr wiran hue bahr bayaban hue

khak urti hai dar-o-dasht ki pahnai mein

ek lamhe mein bikhar jata hai tana bana

aur phir umr guzar jati hai yakjai mein

is tamashe mein nahin dekhne wala koi

is tamashe ko jo barpa hai tamashai mein