کہیں امید سی ہے دل کے نہاں خانے میں

کہیں امید سی ہے دل کے نہاں خانے میں

ابھی کچھ وقت لگے گا اسے سمجھانے میں

موسم گل ہو کہ پت جھڑ ہو بلا سے اپنی

ہم کہ شامل ہیں نہ کھلنے میں نہ مرجھانے میں

ہم سے مخفی نہیں کچھ رہ گزر شوق کا حال

ہم نے اک عمر گزاری ہے ہوا کھانے میں

ہے یوں ہی گھومتے رہنے کا مزہ ہی کچھ اور

ایسی لذت نہ پہنچنے میں نہ رہ جانے میں

نئے دیوانوں کو دیکھیں تو خوشی ہوتی ہے

ہم بھی ایسے ہی تھے جب آئے تھے ویرانے میں

موسموں کا کوئی محرم ہو تو اس سے پوچھو

کتنے پت جھڑ ابھی باقی ہیں بہار آنے میں

kahin ummid si hai dil ke nihan khane mein

abhi kuchh waqt lagega use samjhane mein

mausam-e-gul ho ke pat jhar ho bala se apni

ham ke shamil hain na khulne mein na murjhane mein

ham se makhfi nahin kuchh rah guzar shauq ka hal

ham ne ik umr guzari hai hawa khane mein

hai yun hi ghumte rahne ka maza hi kuchh aur

aisi lazzat na pahunchne mein na rah jane mein

nae diwanon ko dekhen to khushi hoti hai

ham bhi aise hi the jab ae the wirane mein

mausamon ka koi mahram ho to us se puchho

kitne pat jhar abhi baqi hain bahar ane mein