کیسے انہیں بھلاؤں محبت جنہوں نے کی

کیسے انہیں بھلاؤں محبت جنہوں نے کی

مجھ کو تو وہ بھی یاد ہیں نفرت جنہوں نے کی

دنیا میں احترام کے قابل وہ لوگ ہیں

اے ذلت وفا تری عزت جنہوں نے کی

تزئین کائنات کا باعث وہی بنے

دنیا سے اختلاف کی جرأت جنہوں نے کی

آسودگان منزل لیلیٰ اداس ہیں

اچھے رہے نہ طے یہ مسافت جنہوں نے کی

اہل ہوس تو خیر ہوس میں ہوئے ذلیل

وہ بھی ہوئے خراب محبت جنہوں نے کی

kaise unhen bhulaun mohabbat jinhon ne ki

mujh ko to wo bhi yad hain nafrat jinhon ne ki

duniya mein ehtiram ke qabil wo log hain

ai zillat wafa tiri izzat jinhon ne ki

tazin-e-kainat ka bais wahi bane

duniya se ikhtilaf ki jurat jinhon ne ki

asudagan manzil-e-laila udas hain

achchhe rahe na tai ye masafat jinhon ne ki

ahl-e-hawas to khair hawas mein hue zalil

wo bhi hue kharab-e-mohabbat jinhon ne ki