شام ہوتی ہے تو یاد آتی ہے ساری باتیں

شام ہوتی ہے تو یاد آتی ہے ساری باتیں

وہ دوپہروں کی خموشی وہ ہماری باتیں

آنکھیں کھولوں تو دکھائی نہیں دیتا کوئی

بند کرتا ہوں تو ہو جاتی ہیں جاری باتیں

کبھی اک حرف نکلتا نہیں منہ سے میرے

کبھی اک سانس میں کر جاتا ہوں ساری باتیں

جانے کس خاک میں پوشیدہ ہیں آنسو میرے

کن فضاؤں میں معلق ہیں تمہاری باتیں

کس ملاقات کی امید لیے بیٹھا ہوں

میں نے کس دن پہ اٹھا رکھی ہیں ساری باتیں

sham hoti hai to yad ati hai sari baten

wo dopaharon ki khamoshi wo hamari baten

ankhen kholun to dikhai nahin deta koi

band karta hun to ho jati hain jari baten

kabhi ik harf nikalta nahin munh se mere

kabhi ik sans mein kar jata hun sari baten

jane kis khak mein poshida hain ansu mere

kin fazaon mein muallaq hain tumhari baten

kis mulaqat ki ummid liye baitha hun

main ne kis din pe utha rakhi hain sari baten