آج رو کر تو دکھائے کوئی ایسا رونا

آج رو کر تو دکھائے کوئی ایسا رونا

یاد کر اے دل خاموش وہ اپنا رونا

رقص کرنا کبھی خوابوں کے شبستانوں میں

کبھی یادوں کے ستونوں سے لپٹنا رونا

تجھ سے سیکھے کوئی رونے کا سلیقہ اے ابر

کہیں قطرہ نہ گرانا کہیں دریا رونا

رسم دنیا بھی وہی راہ تمنا بھی وہی

وہی مل بیٹھ کے ہنسنا وہی تنہا رونا

یہ ترا طور سمجھ میں نہیں آیا مشتاقؔ

کبھی ہنستے چلے جانا کبھی اتنا رونا

aj ro kar to dikhae koi aisa rona

yad kar ai dil-e-khamosh wo apna rona

raqs karna kabhi khwabon ke shabistanon mein

kabhi yadon ke sutunon se lipatna rona

tujh se sikhe koi rone ka saliqa ai abr

kahin qatra na girana kahin dariya rona

rasm-e-duniya bhi wahi rah-e-tamanna bhi wahi

wahi mil baith ke hansna wahi tanha rona

ye tira tur samajh mein nahin aya mushtaq

kabhi hanste chale jana kabhi itna rona