بہت رک رک کے چلتی ہے ہوا خالی مکانوں میں

بہت رک رک کے چلتی ہے ہوا خالی مکانوں میں

بجھے ٹکڑے پڑے ہیں سگریٹوں کے راکھ دانوں میں

دھوئیں سے آسماں کا رنگ میلا ہوتا جاتا ہے

ہرے جنگل بدلتے جا رہے ہیں کارخانوں میں

بھلی لگتی ہے آنکھوں کو نئے پھولوں کی رنگت بھی

پرانے زمزمے بھی گونجتے رہتے ہیں کانوں میں

وہی گلشن ہے لیکن وقت کی پرواز تو دیکھو

کوئی طائر نہیں پچھلے برس کے آشیانوں میں

زبانوں پر الجھتے دوستوں کو کون سمجھائے

محبت کی زباں ممتاز ہے ساری زبانوں میں

bahut ruk ruk ke chalti hai hawa khali makanon mein

bujhe tukre pare hain sigreton ke rakh danon mein

dhuen se asman ka rang maila hota jata hai

hare jangal badalte ja rahe hain karkhanon mein

bhali lagti hai ankhon ko nae phulon ki rangat bhi

purane zamzame bhi gunjte rahte hain kanon mein

wahi gulshan hai lekin waqt ki parwaz to dekho

koi tair nahin pichhle baras ke ashiyanon mein

zabanon par ulajhte doston ko kaun samjhae

mohabbat ki zaban mumtaz hai sari zabanon mein