کس شے پہ یہاں وقت کا سایہ نہیں ہوتا

کس شے پہ یہاں وقت کا سایہ نہیں ہوتا

اک خواب محبت ہے کہ بوڑھا نہیں ہوتا

وہ وقت بھی آتا ہے جب آنکھوں میں ہماری

پھرتی ہیں وہ شکلیں جنہیں دیکھا نہیں ہوتا

بارش وہ برستی ہے کہ بھر جاتے ہیں جل تھل

دیکھو تو کہیں ابر کا ٹکڑا نہیں ہوتا

گھر جاتا ہے دل درد کی ہر بند گلی میں

چاہو کہ نکل جائیں تو رستہ نہیں ہوتا

یادوں پہ بھی جم جاتی ہے جب گرد زمانہ

ملتا ہے وہ پیغام کہ پہنچا نہیں ہوتا

تنہائی میں کرنی تو ہے اک بات کسی سے

لیکن وہ کسی وقت اکیلا نہیں ہوتا

کیا اس سے گلہ کیجیئے بربادئ دل کا

ہم سے بھی تو اظہار تمنا نہیں ہوتا

kis shai pe yahan waqt ka saya nahin hota

ik khwab-e-mohabbat hai ke burha nahin hota

wo waqt bhi ata hai jab ankhon mein hamari

phirti hain wo shaklen jinhen dekha nahin hota

barish wo barasti hai ke bhar jate hain jal thal

dekho to kahin abr ka tukra nahin hota

ghar jata hai dil dard ki har band gali mein

chaho ke nikal jaen to rasta nahin hota

yadon pe bhi jam jati hai jab gard-e-zamana

milta hai wo paigham ke pahuncha nahin hota

tanhai mein karni to hai ik bat kisi se

lekin wo kisi waqt akela nahin hota

kya us se gila kijie barbadi-e-dil ka

ham se bhi to izhar-e-tamanna nahin hota