یہ کہنا تو نہیں کافی کہ بس پیارے لگے ہم کو

یہ کہنا تو نہیں کافی کہ بس پیارے لگے ہم کو

انہیں کیسے بتائیں ہم کہ وہ کیسے لگے ہم کو

مکیں تھے یا کسی کھوئی ہوئی جنت کی تصویریں

مکاں اس شہر کے بھولے ہوئے سپنے لگے ہم کو

ہم ان کو سوچ میں گم دیکھ کر واپس چلے آئے

وہ اپنے دھیان میں بیٹھے ہوئے اچھے لگے ہم کو

بہت شفاف تھے جب تک کہ مصروف تمنا تھے

مگر اس کار دنیا میں بڑے دھبے لگے ہم کو

جہاں تنہا ہوئے دل میں بھنور سے پڑنے لگتے ہیں

اگرچہ مدتیں گزریں کنارے سے لگے ہم کو

ye kahna to nahin kafi ke bas pyare lage ham ko

unhen kaise bataen ham ke wo kaise lage ham ko

makin the ya kisi khoi hui jannat ki taswiren

makan is shahr ke bhule hue sapne lage ham ko

ham un ko soch mein gum dekh kar wapas chale ae

wo apne dhyan mein baithe hue achchhe lage ham ko

bahut shaffaf the jab tak ke masruf-e-tamanna the

magar is kar-e-duniya mein bare dhabbe lage ham ko

jahan tanha hue dil mein bhanwar se parne lagte hain

agarche muddaten guzren kinare se lage ham ko