اب وہ گلیاں وہ مکاں یاد نہیں

اب وہ گلیاں وہ مکاں یاد نہیں

کون رہتا تھا کہاں یاد نہیں

جلوۂ حسن ازل تھے وہ دیار

جن کے اب نام و نشاں یاد نہیں

کوئی اجلا سا بھلا سا گھر تھا

کس کو دیکھا تھا وہاں یاد نہیں

یاد ہے زینۂ پیچاں اس کا

در و دیوار مکاں یاد نہیں

یاد ہے زمزمۂ ساز بہار

شور آواز خزاں یاد نہیں

ab wo galiyan wo makan yad nahin

kaun rahta tha kahan yad nahin

jalwa-e-husn-e-azal the wo dayar

jin ke ab nam-o-nishan yad nahin

koi ujla sa bhala sa ghar tha

kis ko dekha tha wahan yad nahin

yad hai zina-e-pechan us ka

dar-o-diwar makan yad nahin

yad hai zamzama-e-saz-e-bahar

shor awaz-e-khizan yad nahin