خیر اوروں نے بھی چاہا تو ہے تجھ سا ہونا

خیر اوروں نے بھی چاہا تو ہے تجھ سا ہونا

یہ الگ بات کہ ممکن نہیں ایسا ہونا

دیکھتا اور نہ ٹھہرتا تو کوئی بات بھی تھی

جس نے دیکھا ہی نہیں اس سے خفا کیا ہونا

تجھ سے دوری میں بھی خوش رہتا ہوں پہلے کی طرح

بس کسی وقت برا لگتا ہے تنہا ہونا

یوں میری یاد میں محفوظ ہیں تیرے خد و خال

جس طرح دل میں کسی شے کی تمنا ہونا

زندگی معرکۂ روح و بدن ہے مشتاقؔ

عشق کے ساتھ ضروری ہے ہوس کا ہونا

khair auron ne bhi chaha to hai tujh sa hona

ye alag bat ke mumkin nahin aisa hona

dekhta aur na thaharta to koi bat bhi thi

jis ne dekha hi nahin us se khafa kya hona

tujh se duri mein bhi khush rahta hun pahle ki tarah

bas kisi waqt bura lagta hai tanha hona

yun meri yad mein mahfuz hain tere khad-o-khal

jis tarah dil mein kisi shai ki tamanna hona

zindagi marka-e-ruh-o-badan hai mushtaq

ishq ke sath zaruri hai hawas ka hona