یہ تنہا رات یہ گہری فضائیں

یہ تنہا رات یہ گہری فضائیں

اسے ڈھونڈیں کہ اس کو بھول جائیں

خیالوں کی گھنی خاموشیوں میں

گھلی جاتی ہیں لفظوں کی صدائیں

یہ رستے رہروؤں سے بھاگتے ہیں

یہاں چھپ چھپ کے چلتی ہیں ہوائیں

یہ پانی خامشی سے بہہ رہا ہے

اسے دیکھیں کہ اس میں ڈوب جائیں

جو غم جلتے ہیں شعروں کی چتا میں

انہیں پھر اپنے سینے سے لگائیں

چلو ایسا مکاں آباد کر لیں

جہاں لوگوں کی آوازیں نہ آئیں

ye tanha rat ye gahri fazaen

use dhunden ke us ko bhul jaen

khayalon ki ghani khamoshiyon mein

ghuli jati hain lafzon ki sadaen

ye raste rahrauon se bhagte hain

yahan chhup chhup ke chalti hain hawaen

ye pani khamushi se bah raha hai

use dekhen ke is mein dub jaen

jo gham jalte hain sheron ki chita mein

unhen phir apne sine se lagaen

chalo aisa makan abad kar len

jahan logon ki awazen na aen