آپ اپنے کو معتبر کر لیں

آپ اپنے کو معتبر کر لیں

ملنے والوں کے دل میں گھر کر لیں

زندگانی کے دن جو تھوڑے ہیں

کیوں نہ ہنس بول کر بسر کر لیں

چن رہے ہیں جو عیب اوروں کے

اپنے دامن پہ بھی نظر کر لیں

کون دیتا ہے ساتھ مشکل میں

حوصلوں ہی کو ہم سفر کر لیں

چاہئے کچھ سکون دنیا میں

خواہشیں اپنی مختصر کر لیں

بات پہنچے کسی طرح ان تک

ہم ستاروں کو نامہ بر کر لیں

جنگلوں سے ہمیں گزرنا ہے

پہلے سانپوں کو بے ضرر کر لیں

چلئے جادوگروں کی بستی میں

اپنے عیبوں کو بھی ہنر کر لیں

آؤ دکھ درد بانٹ لیں اعجازؔ

رنج و غم کو ادھر ادھر کر لیں

ap apne ko motabar kar len

milne walon ke dil mein ghar kar len

zindagani ke din jo thore hain

kyun na hans bol kar basar kar len

chun rahe hain jo aib auron ke

apne daman pe bhi nazar kar len

kaun deta hai sath mushkil mein

hauslon hi ko ham safar kar len

chahiye kuchh sukun-e-duniya mein

khwahishen apni mukhtasar kar len

bat pahunche kisi tarah un tak

ham sitaron ko nama bar kar len

jangalon se hamen guzarna hai

pahle sanpon ko be zarar kar len

chaliye jadugron ki basti mein

apne aibon ko bhi hunar kar len

ao dukh dard bant len ejaz

ranj-o-gham ko idhar idhar kar len