مسرت کی فراوانی کے دن ہیں

مسرت کی فراوانی کے دن ہیں

محبت کی جہاں بانی کے دن ہیں

تمناؤں کی شادابی کا موسم

یہ ارمانوں کی جولانی کے دن ہیں

ہے کلیوں کے تبسم کا زمانہ

گلوں کی چاک دامانی کے دن ہیں

مناظر میں ہے رنگینی غضب کی

نظر کی شوق سامانی کے دن ہیں

اٹھے ہیں چار سو بادل خوشی کے

حسیں جذبوں کی طغیانی کے دن ہیں

ملے ہیں پیار کے انمول تحفے

خلوص دل کی ارزانی کے دن ہیں

ہوئے روشن مقدر کے ستارے

فلک کی نور افشانی کے دن ہیں

سلامت رحمت حق کا تسلسل

مبارک فضل ربانی کے دن ہیں

masarrat ki farawani ke din hain

mohabbat ki jahan bani ke din hain

tamannaon ki shadabi ka mausam

ye armanon ki jaulani ke din hain

hai kaliyon ke tabassum ka zamana

gulon ki chak damani ke din hain

manazir mein hai rangini ghazab ki

nazar ki shauq samani ke din hain

uthe hain char su badal khushi ke

hasin jazbon ki tughyani ke din hain

mile hain pyar ke anmol tohfe

khulus-e-dil ki arzani ke din hain

hue raushan muqaddar ke sitare

falak ki nur afshani ke din hain

salamat rahmat-e-haq ka tasalsul

mubarak fazl rabani ke din hain