بزم عالم میں سدا ہم بھی نہیں تم بھی نہیں

بزم عالم میں سدا ہم بھی نہیں تم بھی نہیں

منکر روز جزا تم بھی نہیں ہم بھی نہیں

سر پھری تند ہوا ہم بھی نہیں تم بھی نہیں

ملک دشمن بخدا ہم بھی نہیں تم بھی نہیں

کس کے ایما پہ ہے یہ خون خرابہ یہ فساد

قائل جور و جفا ہم بھی نہیں تم بھی نہیں

جان آپس کی برائی میں گنوا دیں اپنی

اس قدر خود سے خفا ہم بھی نہیں تم بھی نہیں

ہم کو دستور نے بخشے ہیں برابر کے حقوق

کوئی کمتر نہ سوا ہم بھی نہیں تم بھی نہیں

جذب ہے خاک وطن میں جو بزرگوں کا لہو

اس کی مٹی سے جدا ہم بھی نہیں تم بھی نہیں

bazm-e-alam mein sada ham bhi nahin tum bhi nahin

munkir-e-roz-e-jaza tum bhi nahin ham bhi nahin

sar phiri tund hua ham bhi nahin tum bhi nahin

mulk dushman bakhuda ham bhi nahin tum bhi nahin

kis ke ima pe hai ye khun-e-kharaba ye fasad

qail-e-jaur-o-jafa ham bhi nahin tum bhi nahin

jan apas ki burai mein ganwa den apni

is qadar khud se khafa ham bhi nahin tum bhi nahin

ham ko dastur ne bakhshe hain barabar ke huquq

koi kamtar na siwa ham bhi nahin tum bhi nahin

jazb hai khak-e-watan mein jo buzurgon ka lahu

us ki mitti se juda ham bhi nahin tum bhi nahin