دروازہ بند دیکھ کے میرے مکان کا

دروازہ بند دیکھ کے میرے مکان کا

جھونکا ہوا کا کھڑکی کے پردے ہلا گیا

وہ جان نو بہار جدھر سے گزر گیا

پیڑوں نے پھول پتوں سے رستہ چھپا لیا

اس کے قریب جانے کا انجام یہ ہوا

میں اپنے آپ سے بھی بہت دور جا پڑا

انگڑائی لے رہی تھی گلستاں میں جب بہار

ہر پھول اپنے رنگ کی آتش میں جل گیا

کانٹے سے ٹوٹتے ہیں مرے انگ انگ میں

رگ رگ میں چاند جلتا ہوا زہر بھر گیا

آنکھوں نے اس کو دیکھا نہیں اس کے باوجود

دل اس کی یاد سے کبھی غافل نہیں رہا

دروازہ کھٹکھٹا کے ستارے چلے گئے

خوابوں کی شال اوڑھ کے میں اونگھتا رہا

شب چاندنی کی آنچ میں تپ کر نکھر گئی

سورج کی جلتی آگ میں دن خاک ہو گیا

سڑکیں تمام دھوپ سے انگارہ ہو گئیں

اندھی ہوائیں چلتی ہیں ان پر برہنہ پا

وہ آئے تھوڑی دیر رکے اور چلے گئے

عادلؔ میں سر جھکائے ہوئے چپ کھڑا رہا

darwaza band dekh ke mere makan ka

jhonka hawa ka khirki ke parde hila gaya

wo jan-e-nau bahar jidhar se guzar gaya

peron ne phul patton se rasta chhupa liya

us ke qarib jane ka anjam ye hua

main apne ap se bhi bahut dur ja para

angrai le rahi thi gulistan mein jab bahar

har phul apne rang ki atish mein jal gaya

kante se tutte hain mire ang ang mein

rag rag mein chand jalta hua zahr bhar gaya

ankhon ne us ko dekha nahin is ke bawajud

dil us ki yad se kabhi ghafil nahin raha

darwaza khatkhata ke sitare chale gae

khwabon ki shal orh ke main unghta raha

shab chandni ki anch mein tap kar nikhar gai

suraj ki jalti ag mein din khak ho gaya

sarken tamam dhup se angara ho gain

andhi hawaen chalti hain un par barahna pa

wo ae thori der ruke aur chale gae

adil mein sar jhukae hue chup khara raha