وہ گھر چھوڑ کر جا رہا ہے سنو

وہ گھر چھوڑ کر جا رہا ہے سنو

خدا کے لیے کوئی تو روک لو

کھلے سر پریشان سڑکوں پہ وہ

کسے ڈھونڈھتا ہے ذرا پوچھ لو

کہیں کھو نہ جائے وہ اس بھیڑ میں

لپک کر ذرا اس کو آواز دو

یہ شعلے اگلتی ہوئی دوپہر

جلا دے گی اس کے ہر اک خواب کو

وہ لمحوں کی چلتی ہوئی برچھیاں

اسی سمت بڑھتا ہے وہ شخص تو

wo ghar chhor kar ja raha hai suno

khuda ke liye koi to rok lo

khule sar pareshan sarkon pe wo

kise dhundhta hai zara puchh lo

kahin kho na jae wo is bhir mein

lapak kar zara us ko awaz do

ye shole ugalti hui dopahar

jala degi us ke har ik khwab ko

wo lamhon ki chalti hui barchhiyan

usi samt barhta hai wo shakhs to