وسعت دامن صحرا دیکھوں

وسعت دامن صحرا دیکھوں

اپنی آواز کو پھیلا دیکھوں

ہاتھ میں چاند کو پگھلا دیکھوں

خواب دیکھوں کہ خرابہ دیکھوں

سطح پر عکس کو بہتا دیکھوں

دریا دریا ترا سایہ دیکھوں

خود کو دیکھوں ترا چہرہ دیکھوں

آئینہ توڑ دوں پھر کیا دیکھوں

اپنے سائے کو برہنہ پاؤں

ساتھ رسوائی کو ہنستا دیکھوں

رتیلی دھوپ میں آتے جاتے

محمل وقت کو ٹھہرا دیکھوں

صبح کے پھول کو ہنستا پا کر

رات کی آنکھ میں کانٹا دیکھوں

شہر میں لوگ جسے ڈھونڈتے ہیں

اپنے گھر میں اسے بیٹھا دیکھوں

ایسا دن آئے نہ ہرگز عادلؔ

جیسے جی میں اسے مرتا دیکھوں

wusat-e-daman-e-sahra dekhun

apni awaz ko phaila dekhun

hath mein chand ko pighla dekhun

khwab dekhun ke kharaba dekhun

sath par aks ko bahta dekhun

dariya dariya tira saya dekhun

khud ko dekhun tira chehra dekhun

aina tor dun phir kya dekhun

apne sae ko barahna paon

sath ruswai ko hansta dekhun

ratyali dhup mein ate jate

mahmil-e-waqt ko thahra dekhun

subh ke phul ko hansta pa kar

rat ki ankh mein kanta dekhun

shahr mein log jise dhundte hain

apne ghar mein use baitha dekhun

aisa din ae na hargiz adil

jaise ji mein use marta dekhun